قصيد طويل : مدين رحال
____________________
يَ جولان اللّي راسِخ في خَيالي
أنا إبنك وفيك بشوف حالي
عاشو فيك أجدادي الأبايا
وكانو ع البساطة والأصاله/ي
صِرِت إسّأل عن الناس السخايا
إجا التاريخ جاوب عاسؤالي
شجر تفاح من عاطي العَطَايا
وشجر زيتون زَيّتو عم يلالي
وخبز تنور ع كفوف الطَرايا
بِ معجن خير طايف ع الأهالي
جَبَلنا شيخ عم يحكي حَكَايا
جَبَل شايب مقامو كتير عالي
عَطا ل ضْياعنا النَسمِة هَدَايا
تَ صار الجَو ب بلادي مِثالي
جَمَال سكوفيا إم القَرَايا
وْفِيق الراقية ب تعطي دلاله/ي
حتى العال رِيّا من الرَوَايا
بِ وقت الفجر نَسمِة عطر غالي
بطيحه شفتها بأجمل مزايا
الوفا من دموعها بيكتب مقالي
بِ وَقت العرس يلتَمِو الرَعايا
ع صَوت المِجوِز ل خاطِر بِ بالي
دَبكِة تِعّمَر بْطِيب النَوَايا
وعَجَاج غْبارها عايِش الحاله/ي
شِعري خالد حروفو نَقايا
بِ إلهامو عَطَا رَونَق وهاله/ي
ل جَولان الحلو وأهلو البَرَايا
وفا عندي ل هالناس الأكابر
رسالة حُب وصلت ها الرساله/ي
________________________
كلماتي وبقلمي أنا مدين رحال
ليست هناك تعليقات:
إرسال تعليق