انسان
انا انسان من قلب وروح
مش تمثال من الروح مدبوح
انا بتالم انا مجروح
غصب عني لازم ابوح
ما انا انسان
ساعه احس الكون بقي ملكي
وساعه احس بغربة وابكي
وساعات ادفن حزني في قلبي
واوقات اصرخ واعلن رفضي
ما انا انسان
انا انسان احساس ومشاعر
اضحك و ابكي أضعف اعافر
جوه عيون الحزن اسافر
وارجع اقوي اذاي مش فاكر
ما انا انسان
انا انسان ظالم مظلوم
ممكن اخلص ممكن اخون
ممكن روحي عليا تهون
ساعات عاقل ساعه مجنون
ما انا انسان
ساعه احس الكون بقي ملكي
وساعة احس بغربة وابكي
وساعات ادفن حزني في قلبي
واوقات اصرخ واعلن رفضي
ما انا انسان
كلمات عاطف محمود
ليست هناك تعليقات:
إرسال تعليق