بلمح خيالك لو كنت عنّي بعيد
وبشوف عينك كل ما قابل حدا
وبسمع صدا صوتك وانا قاعد وحيد
مش بس ساعة شوق عا طول المدا
كل يوم بحلم فيك يا حلمي السعيد
يا ليت حلمي فيك يمشي. عالهدا
كل ما خلص بالليل يرجع من جديد
ويمشي الصبح من عين حبي عالندا
منشان إشبع والقلب يشبع نهيد
ولا يروع الليل من عيني سُدا
تا ضم طيفك يا حبيبي بالوريد
وسكّر عليك أبواب قلبي من العدا
كل ما قلت شوقي برد شوقي يزيد
في كل ساعة الشوق قايل يا. هُدى
صالح ابو عاصي
ليست هناك تعليقات:
إرسال تعليق