أنا وانت وهو
،،،,,,,,،،،,,,,,،،،
كلنا واقعين في فتنه
ناس هنا وفي كل حته
والعوازل عامله خطه
ننسى امبارح وانتوه بكره
أنا وانت وهو
لعبوا بينا وغموا عنينا
و انت لسه زي مانت
وكلنا مضحوك. علينا
ف اتجاه عكس اتجاهنا
أنا وانت وهو
كلنا من بعض توهنا
واتفاقنا في إختلافنا
تبقى نفسي ضد نفسي
وب إيدينا نهد بيتنا
أنا وانت وهو
يبقى نصي عكس نصي
وكل نص في شيء يخصه
كله ماشي وهو ناسي
واللي في قلبي ما حد يحسه
أنا وانت وهو
دار انقسمت دار إنهدمت
وداري راحت فين وانخربت
أسره اختلف وي الأسره
وكل العيله تبقى انهزمت
أنا وانت وهو
أنا وانت ليه مهاجرين
وغيرنا. ناس كتير لاجئين
ناس انتصرت ناس انكسرت
واحنا بين الكل تايهين
ليه انا وانت مش فاهمين
هي الفتنه جايه منين
مش انا بس لا وانت كمان
بانت الخيبه فينا وانتشرت
أنا وانت وهو
لما انا قلت ولآ صدقتش
وقلت عليا إني موسوس
أو مش فاهم عقلي مخرفش
مش أنا بس لا وانت هاتطفش
أنا وانت وهو
كل العيله واقعه في فتنه
ومن أعدائها عاملين خطه
كله يخاف ونبقى ضعاف
ويحتلوها حته بحته
بالتفريق بين كل صديق
تبقى العيله عشرين قطعه
أنا وانت وهو
واحتلالنا يبقى ب إيدنا
بنكيد بعض ماحد يفيدنا
ويشمت فينا عدو ويكيدنا
وتبقى العيله حزينه ف عيدها
أنا وانت وهو
المطلوب إني أفضل نايم
وأكره ناسي واحب الظالم
وولاد وطني صاحي وقايم
يبقوا عدوي وانا مش فاهم
أنا وانت وهو
مش أنا بس لاء وانت كمان
ضحكوا علينا أباليس وجبان
ونكره بعض واحنا جيران
من شياطين ضد الإنسان
والشياطين إدمان عدوان
بيفرقوا بين الأرحام
وفرق تبقى أكيد كسبان
شغل عدو إبليس وشيطان
أنا وانت وهو
يبقى عدوي وهو عدوك
ملعون واللي يساعد ضرك
غرب المجرم وياه يظلم
واللي يهمه إزاي يهدك
أنا وانت وهو
كلنا ف الهم واحد
والعدو علينا جاحد
يالا نغيظه ونبقى واحد
بس لازم تفهم انت
إننا واقعين في فتنه
والعوازل عامله خطه
ماشيه فيها حته حته
ننسى إمبارح وانتوه بكره
أنا وانت وهو
بقلمي هلال البنا
ليست هناك تعليقات:
إرسال تعليق