محكية غزلية.... للمبدعة ساحرة الحرف إنصاف قرقناوي

محكية غزلية بين شب و صبية..

قالتلو..

دخلك شو هو هالسر؟؟

صار الحب بكبسة زر..

متل الشاطر رح بتقر..

و تحكيلي كل شي صاير..

قلا..

وحياتك مغروم..

و بعينيكي الحلوة مسحور..

بصراحه مش رح لف و دور..

من الفرحه قلبي طاير..

قالتلو..

طيب شو الحل..

كلامك هيدا شلني شل..

القبلك حب و برم و فل..

و تركني ابكي ع حالي..

قلا..

بس يا عمري أنا غير الكل..

و من حبك ما ممكن مل..

قلبي بغرامك معذور..

يا اغلا من كل شي غالي..

قالتلو..

طيب مشي..

نشتري محبس للخطبه..

و إذا بتقلي مش وقتا..

رح امحيك عن وج الأرض..

و فوقا شيلك من بالي..

#إنصاف_قرقناوي