بغنّيلك أنا.. بترقص النّسمات عا خدّ الزّهر
بكتبلِك قصايد.. بترندح الكلمات عَ نغمات الوتر..🌸
ياحلوة.. يلّي حسنها يفوق البشر
حدّك أنا سهران... تا يغفى السهر.. 🌸
نسمة حلا إنتي.. والباقي صوَر
صحوة أمل صرتي... بحفاف العمر.. 🌸
ليكي أنا المشتاق.. ناطر عالجمر
تا التقي فيكي.. واغمْرِك غَمر...🌸
نحكي سوا حكايات.. وشو حلو السمَر
نخلّي النجم سهران ..بحضن القمر.. 🌸
ئلك أنا زهئان والله من العمر
ويبقى العمر حَيران.... مانحن العمر!!!!! 💙
🌹 خلود عمران 🌹
ليست هناك تعليقات:
إرسال تعليق