صاحب والسلام
---------------
اهو صاحب والسلام
صدعنى بالكلام
عن نفسه وحكاياته
وكلامه عن الغرام
------------------
اهو صاحب والسلام
------------------
كنت اعمل ايه قولولى
فى كلام بيحكيهولى
مليان خداع وكدب
كان فاكره دهب ولولى
------------------
اهو صاحب والسلام
------------------
بتخدع يا صاحبى مين
انا وانتا عشرة سنين
ع الخير ياصاحبى كنا
دايما متجمعين
------------------
اهو صاحب والسلام
------------------
صعبان عليا منك
اشوف غدرك وسمك
فاكرنى لسه صاحبك
غلطان اللى يامنلك
------------------
اهو صاحب والسلام
------------------
بقلمى
احمد عبدالله الاسيوطى
ليست هناك تعليقات:
إرسال تعليق