حكاية قمر
قصيده من ديواني سر الحبق
،، ،،،،،،،،،،،،،،،،،،،،،،،،،،،،،،،،،،،،،،،،
النجمات طلُّو عليي يسألوا شو باك
عرقان خدك خجل ولّا. انت باكي
بيضيع درب السهر يا رفيقنا لولاك
ولولاك صفّى الورد في مشتلو تاكي
وان كنت ملهي ب حدا وسهراتنا نسّاك
او كنت عم تختبي ولغيرنا تحاكي
ولنّو اعطينا رمز مين ال اجا وخلّاك
تنسى الليالي وما ترحم شكوة الشاكي
اياك. تقسا علينا ان ربنا اعطاك
جاوبت بنسى العمر لو كنت بنساكي
ما اعتدت ازرع على درب الحلا اشواك
وتمي ب شهد الشعر ع طول. غناكي
ويا نجوم صرلي شهر برمي انا الاشباك
بترجع لصوبي خيطان منتفه شباكي
لا قدرت طول القمر بأيدي من الشباك
ولا كان يرضى القمر يسهر ع شباكي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق