كتبت احدى الشاعرات لي تقول:
ما بعرف زين الكلمات
ولا نظم هاالغنية
وين النصب وين الرفع
وين اللهجة المحكية
فكتبت لها:
اصل الكلمة يبدأ حرف
بالاسرار الكونية
ظاهرمنها علم الصرف
بحروف الابجدية
وقبل الابجد كانت عرف
الحروف الهجائية
وبين النصب وبين الفتح
عنا اسرار مخفية
الله أعطانا الإعجاز
باللغة العربية
وهمزة وصل وهمزة قطع
وضمة منقول تعني الرفع
وكسرة جر .وشدة شفع
ولام اللين ولام السمع
شمس الكون بتسطع سطع
بلام الشمس المالو نفع
بيجي بعكسا لام الوقع
حرف اللام القمرية
حركة جزم . تعني سكون
تشبه لعتمة كانون
كن بيتك يامجنون
ها الليلة من الشتوية
الحروف فيه الها اسرار
محفوظة بسفر الاسفار
الفائز فيها من الشعار
الخاب حروفو مطوية
بقلمي/ابو باسم عيسى عيسى/
ليست هناك تعليقات:
إرسال تعليق