#حروف_إسمك
_______________
ياللي أجمل مافي الحروف اسمك.
: غاليه على قلبي
و بين الجفون صورتك.
: أجمل ما في الحياة
ياللي الحياه ف همسك
: دلالك دا يمحي الأه
وبتوه انا ب دونك.
: هاأرجع و اقول لله
وأشكيله من بعدك.
تايه ياحول الله
في عيونك السمره
بسئل صغير وكبير
على ام العيون سمره
دلوني يا أهل الخير
دي بدونها الحياه مره.
قالوا إوقف نزيف العين
دي عيونك كما الجمره.
ولا يعرفوش اني
أصلاً غلاف بركان
صاير ب يهري حشايا
والقلب يتلوى.
ولا ينطفيش إلا
لما الحبيب ينوي
يلقاني بالمره.
يام العيون قاسيين
حني علي قلبي
دا أنا عابر سبيل ل سنين
سائل كيف ألقاكي!
أو حتي تلقيني.
لاجل ألمس حنان الخد
وب نظره ترويني
واشرب كاسات الشهد
وأسكر وأتوه تاني
في عيونك القاسيين
وأسكن جناح روحك
وأكتب مابين الرمش
اسمي وحروف اسمك
وأشكي ل جناب قلبك
لو حرف مر عليه
دمعة زعل م العين
____
#محمد_أشرف_السيد
ليست هناك تعليقات:
إرسال تعليق