العنوان ذكريات الضيعة
بقلمي (عامية)
بتذكر الضيعة ...وبالقلب غصّات
وعطر الحنين ...يفجر الدمعات
نفيق الصبح بكير عا صباح الديك
ووقت المسا الراعي والناي والنعجات
والبيادر بغلال الخير عامرة
والشجر يحضنو ونجمع الغلات
كنا طفال وفاضي البال
ومن ايد جدتي اطيب الأكلات
والحقول تموج بغلال الخير
وبالمنجل كنا نحصد الزرعات
حاويك وبلوزة ووادي حنا
احلى اوقات السمر وأجمل السهرات
وغدير الضيعة لما كان يسيل
وبعبورو نلاقي احلى المعاناة
والمدرسة غ فتين وست صفوف
ومنها نلنا ارقى الشهادات
وصور المعلمين بالقلب راسخة
ما بتنمحى لو طالت السنوات
آه يا زمن لو ارجع لمعيان
نبع الخير وملتقى الزينات
ولو كنت ساكن بأجمل قصور
وبالعلى بلغت كل المرتبات
بتبقى صورة الضيعة بالقلب
وحضن امي وجدتي اجمل الذكريات
أ_احمد مدلج
ليست هناك تعليقات:
إرسال تعليق