كمشة عشق.... للمبدع اليان سمعان

---==0==--- كمشة عشق ---==0==---
...................................................

عامخدة الاشواق شو تعبت
وانطرتك
...--==0==--... كنت المح وشك من بعيد

قلبي نسي يمكن معقول
ماعرفتك
...--==0==--... والا القمر بيهل يوم العيد

شي الف مرة حكيت
ماسمعتك
...--==0==--... بس فهمت في بيننا مواعيد

وعدي الك من يوم
ماشفتك
...--==0==--... روحي الك حاجي عليي تعيد

مالك ثقة فيي هاي
مشكلتك
...--==0==--... عهد الك وعدي لابنقص ولا بزيد

تعبت عيون الليل قديش
عاتبتك
...--==0==--... وشاب البعد من حرقة التنهيد

حرفي سجنتو كيف ولامرة
سالتك
...--==0==--... ياحب بترجاك خفف عليه القيد

سحرت روحي فيك يوم
صادفتك
...--==0==--... صدفة التقيتك احلى من مواعيد

قلبي بقي بايدك من يوم
صافحتك
...--==0==--... مع فايدة كمشة عشق ردو اذا بتريد

---===0===--0--===0===--0--===0===

صباح اللقاء بلا مواعيد
صباح الغزل والحب
صباح الفرح
اصدقائي

..............................................................

د اليان سمعان

سفير اكاديمية السلام العالمية في المانيا

فرع كاليفورنيا الولايات المتحدة الاميركية