/ بنك الحياة /
شاب العشق وختيروا رجالو
وقلب الحبيب تغيّروا حوالو
وكتار فقدوا الحب والإحساس
وصار الفقير ينام عَ خيالو
الحرمان عم يسكر عَ آه الناس
والجوع بلّش ياكل بحالو
وصار الورد تحت الدعس ينداس
وبنك الحياة بينسرق مالو
وما عاد بسنينو العمر ينقاس
وكتار متلي بالدني قالوا
ياريت لو يرجع زمن جسّاس
ويرجع مع الزرياب موّالو
ويلمع فكر عباس بن فرناس
مع سيف عنتر مع بني هلالو
وياريت لو بيعود بو النواس
وكرم البساطة يعود عرزالو
أنا بعرف الياريت ماإلها أساس
متل السراب بيلمع مجالو
الزمن معروف مابيرجع رجوع
ولا بيرحم الواقف معو حالو . د.عيسى فضة
ليست هناك تعليقات:
إرسال تعليق