حواسي الخمس.... للمبدعة تهاني سلطان

حواسي الخمس.. 

حواسي الخمس والقلب والروح 

يسألوني عنك يابعد عيني.. 

وأجاوب وأنا بقلبي جروح 

جرح جفا وجروح تعنيني.. 

ليش تبتعد تصد وتروح 

وتاخذ معك عمري وسنيني.. 

تروح تاخذ فكري معك بسروح

ونبض قلبي وخفوقي ووتيني.. 

أنت ما دريت ياوليف الروح 

كيف يصير حالي يوم تجيني..

يرقص القلب وتطيب القروح

مشاعر حب شوقي وحنيني.. 

وأمسك القلم أكتب وأبوح 

قصايد غزل ومشاعر هي فيني..

وأشق الورق وأكسر اللوح 

لا غبت عني حروفي تجافيني.. 

خليك جنبي يابعد هالروح 

شوفتك يالغلا هي لي تحييني.. 

إرجع لقلب يحبك وينوح 

ما جا في بالي انك تخليني..

 

                                   تهاني سلطان..