( مملكة الكذب )
ما عدت قادر سايرك واستحملك
الظاهر ضروري صارحك مش جاملك
بفن الحكي المغلوط عندك موهبي
وداير ع كذبة من غرورك تنشلك
ممنوع تلعب لعبتك في ملعبي
خلف الحقيقة صرت حامل مغزلك
بتغزل حكايا متل ساحر مغربي
ومعروف مش باقي حدى عم يجهلك
وطبعك عنيد كتير بتعاند نبي
هيدى اللي عن كل الخليقة بيعزلك
وماشي متل طاووس بعد التجربي
ناوي ع مملكة الكذب تعمل ملك
حاجي بقى مكشوف أمرك يا غبي
ولو كنت لاطي تحت شملة مخملك
تمسحت من كتر الفضايح والدجل
وما بتخجل من الكذب شو باقي إلك ؟!!
/ د. عيسى فضة /
ليست هناك تعليقات:
إرسال تعليق