رحتْ لْهلَكْ
قلت أشوفكْ أسألكْ
بعد ما حرقْ
الشوقْ قلبي ...
بعد ما زهَّر
الشوكْ بدربي . .
مْشيتْ صارْ يتصببْ
مني عرقْ
الدنيا شتي ...
وحسيتْ آبٍ مرقْ ..
بكلْ خطوة
أحسْ مرتْ سنة
وجهكْ . .
النحلْ عسلْ منو جنى
صوتكْ . .
مثلْ الربابة
مثلْ صوتْ القصبْ
ألفْ الدني ما حسْ
بالتعبْ . .
بسْ ألقاكْ يا ملكْ
يوم اللي أقرَّبْ منَّكْ
على صدري أضمَّكْ
شوقي . .
أكبرْ من شوق والدكْ
وأحنْ من صدرْ أمَّكْ .
هيثم م صقر
ليست هناك تعليقات:
إرسال تعليق