قصيدة رثاء:
......................
أقدم قصيدة الرثاء هذه مني وبإسمي
أرثي فيها إبن العم الشهيد البطل:
طاهر علي حرفوش : من شهداء قوى
الامن الداخلي: الجيش العربي السوري
كما اتقدم بأحر التعازي للاخ ابوطاهر
علي حرفوش والد الشهيد بشكل خاص:
والى آل حرفوش بشكل عام:
.......................................
القصيدة:
......................
اجاني هاتف بساعة يا ذلّي
من رفيق العمر صوتو وصلّي
بني حرفوش طيبه وحبّ دابو
الاصل من اصلهن نلت وحصلّي
سألتو كيف حالو مع حبابو
شهق نهده وقلب محروق قلّي
ابني طاهر بزهرة شبابو
روحي كان والعيلة مسلّي
لمّا واجبو دقدق ع بابو
لبس ثوب الشرف شلّه ع شلّي
الشهاده بْ بنكها فاتح حسابو
شرف النا و راياتو معلّي
بني حرفوش مِنّا كتار هابو
وعنّا الجود بيطوّف السلّي
وطاهر باللحد طاهر ترابو
والله بجنتو موقع عملّي
عند ما استشهد و ع البيت جابو
واسمو شفت نازل بالمجلّي
رضيت بحكم الله في كتابو
وهداني الصبر نازل بالمظلي
بجنّة ربّنا حضرة جنابو
نهر كوثر بطهرو عم يحلّي
عمرو ما فقد مرّه صوابو
سجلو ابيض وابيض سجلّي
اعلن من حديثو انسحابو
وطوى صفحة حكي يا دموع هلّي
فكري سلّ سيفو من قرابو
ودمع الشعر ع الصفحه مدلّي
طاهر ابن عمّي وعا مصابو
بعدو قلت للضحكات فلّي
يا بو طاهر اذا الاحباب غابو
ابن سكوفيا كرامة وطنّا
الشهاده بدربها نور وتجلّي
.................................
كلمات وبقلم الشاعر : مدين رحال
كل الحب والتقدير لشاعرنا الكبير و الكم جميعا والد الشهيد
ردحذف