الشاعر : مدين رحال:
قصيدة : تكريم الى عمالقة الزجل: ١٥/١/٢٠٢٠
......................
انا شاعر من النهج الاساسي
بحكي كلمتي بحكمة وفراسي
طلعت من روح زغلول المُثابر
وزين ال بالشعر مفعم حماسي
وطليع الخلقت بروحو المحابر
امير المنبرين ومين ناسي
بشعرو هز اخشاب المنابر
بصوتو حن اكبر قلب قاسي
وسيد مصطفى اللي كان صابر
ببحرو كان در الشعر راسي
بجولات المعنى كان جابر
حمل هالشعر ع كتافو بسلاسي
واسعد حد جريس كان قابر
خصوم المنبر بقوة وشراسي
وموسى زغيب للالهام عابر
مدارس شعر عم تعطي دراسي
كانو هيك أقمار العنابر
تايبقى شعرنا مثبت وجودو
لازم عالزجل نعمل حراسي
................................
كلماتي وبقلمي انا: مدين رحال
ليست هناك تعليقات:
إرسال تعليق