طل الَّليل
ولآني ناطرة
تأقطف نجمه
لعيوني الحزينه
وزين بنور القمر
ضحكات
وأرسم على العتمه
خربشات مجنوني
طل الليل
وأنا ناطرة طيفك
من بعيد
يطل عأحلامي
ويكحَّل جفوني
وإشرب من
قهوتي رشفات
وإتعطر بريحة
الياسميني الحنوني
بس بلاقي
الَّليل طَل من دونك
وحامل على كتافو إلي
غصات ،
وعجقة هموم ،
ودمعات
وبوجهي رمى
كمشة ذكريات
لملمتها بقهر
لرجعها ،
مطرح مهي مدفونه
وبقَهِر بِْحرُق النهدَات
وبِهمُس بأذن
الفراشه الهزِيله
قومي لملمي معي
هاكِ
الصور والغنيات
هيدا الَّليل فلْ
الفجر شقشق
ونور الشمس
ذبل عيوني
بقلم فاتن فاعور كايد
ليست هناك تعليقات:
إرسال تعليق