لبسا الخاتم ... و مشي
يختال بين المعازيم
بتيابو المزركشي
نظراتو .... مشتتة
أفكارو ... مشربكي
خطواتو .... تقيلي مفركشي
الكلام ... منو هرب
الحرف .... ضيع طريقو
تاه الحكي
صاحت ...
ارجع حبيبي ...
لوين ؟؟؟
صار وقت المباركي
غصت ... الكلمات اختنقت
تساءلت
ليش ما حِكِي
لوّح بايدو و فَـل
وعيونو نافورة بكي
نظراتو
غامضة ... مفيّمة ...
اطلع ع السما وصاح ...
يا الله
ع كتف مين برتكي ؟؟
لمين بحكي همومي
لمين بشتكي !!!
ماعرفت شو قال
ما فهمت شو حِكِي
سرحت بنظراتا الحزينة
ما اهتم لحالا
ما سألا ... شو بكي ؟؟؟
مرت الأيام
عيونها عم تسبح
ببحر من الأحزان
طريقا غامض
شوارعا ملبّكي
جاها الخبر يدوي دوي
حبيبك مات
من حضنك ... أخدتوا الملائكي
راح ال كان الفرحة
ع مخدة الموت
راسو متكي
خبا عنها المرض
صارع الموت العنيد
ما راد لحبيبتو
يشتكي
ترك مكتوب
مزين بخاتم المحبة
محفور بكم كلمة
(ضلي اضحكي)
بحبل الفرح اتمسكي
بمحبتي .... لا تشككي
انتِ خلقتي .... ت تفرحي
ضلي اضحكي
ضلي اضحكي
طيف ليوس
ليست هناك تعليقات:
إرسال تعليق