عيون سارة
لحظ عيونك يا سارة
شبكة وطعم وسنارة
مهيمن على كل القلوب
وطافي على وش المية
بخفة دم وشطارة
منسوج من خيوط حرير
ومبرمج بتقانة كتير
ولو علق بشي دقة قلب
القلب احتل الصدارة
محصن بتﻻل من خدود
وآفاق وما إلها حدود
ومن خلفا بيصطاد قلوب
بشبكة وطعم وسنارة
وﻷنو صاحب واجب
تمركز تحت الحواجب
ضرب الموجب بالسالب
ساوى قلوب الحيارى
وأنتي تدوري المرافئ
لتلمي الحب على التيه
طلبك يا سارة موجود
بمرفئ قلبي اللي هجرتيه
تبلى عيون كل العشاق
بلحظ عيونك يا سارة
ليست هناك تعليقات:
إرسال تعليق