/رسالة شهيد/
شو بعد فيي قول ياأمي
ياأول إسم بيغازلو تمي
يانور السما يانفحة البخور
ياعطر القداسة الماشية بدمي
لو فيي جبلك الخاتم المسحور
وفراح كل اﻷرض ملتمة
وأفرش طريقك بي ورد وزهور
تا كل ما اضحكتي ينفرج همي
بس الوطن هالخاطرو مكسور
وعليه ذئاب اﻷرض ملتمة
نادى وﻻدوا واتوافدوا النسور
ليبعدوا عن مبسمو الغمة
مافيي ابقى بعيشتي مقهور
لعيون وطنا برخص بدمي
ويوم النصر رح نشعل البخور
ونرفع علمنا فوق للقمة
وإذا استشهدت يمي أنا معذور
ﻻتزعلي ﻷني أنا رح كون
شفت جنة ربنا مرتين
مرة لما اختارني رب السما
ومرة القبلها بريحتك يمي
كل الرحمة والخلود لشهداء الوطن
جوزيف رداح
ليست هناك تعليقات:
إرسال تعليق