/ حاقد دجّال /
بإيدو فضح حالو رَجَم ذاتو
وحنّط وجودو بكهف عتماتو
كنعان عم بيوجّع الأحلام
مجرى الحقد شريان دمّاتو
بجعبة كذب بيكوّم الأوهام
خمّ الحكي بحروف كلماتو
مفضوح أمرو عا مدى الأيام
شنّق بِحبل الليل نجماتو
مكشوف عندو والدناءة إنسجام
وفحل الكذب ناطور كرماتو
متعفّن بعقلو فكر هدّام
واشم ع كف الكره وشماتو
بالحقد حطّم آخر الأرقام
وطابع على الديجور بصماتو
مد الدجل عا تخت حالو ونام
وخبّا حياتو بدروة الماتو . د عيسى فضة
ليست هناك تعليقات:
إرسال تعليق