(( نسيت ال عِشرة))شعر عامّي،،
قَبل تسبِل عِيونك عندي مثل الطير
مثل ماي او جُرف وتروح حاضنّي
نسيِت العِشرة كُلْهَ او ضاعت اللحظات
صِرت عندك غريب او دوم هاملني
إذا تبقه تصدْ عني نصير أغراب
أعوفك للزمان وانتَ فاهمني
جنت إنت الطبيب او بس تداوي جروح
صِرت إنت المرض وجروح تألمني
أشوفك بالحلم لحظات نسمة اوطيف
تِمَطِّر عَل الجروح او تنبهر منّي
كلّي ال ياوَكِت تبقه تِزَّيد جروح
حتّى جروحي عنك كام تسألني
عشرتي اوياك كانت تشبه البستان
لتضَيع الوِفه وبسيف تطعنّي
البحر مهما يِسافر هَم يجِيله يوم
يوكف عَل الجُرف وبطيب يُذكرني
دِحاجيني بصراحة او كلّي يا محبوب
كلبك بي جمر لو يسألك عني
أعوفك للضمير أو ما أكول شبيك
ضميرك لو صحه أدري يطمِّنّي
،،،،،،،،،،،،
علي حسين الكرخي
ليست هناك تعليقات:
إرسال تعليق