.. محكيّة..
.. غزل..
يا هوى ديرْ بالك عَ شعراتها
حنْ شوي عليها وعَ وجناتها.
رحْ ابعتْ معك من دموعي غيوم
شتّي عَ دربا رطّبْ تحتْ دعساتها.
بحبها وما بعرف كيف رح طِيب
وكيف فيني اصبر على غيباتها.
تعب قلبي من كتر هالمكاتيب
اللي بتشتهـي تحضن كلماتها.
روحي مسلطنة متل عندليب
ينظم قصيدة عشق بِ فيّاتها.
يا خدها شو بحسدك لمّا تبكي
أوّل مَ بيحرقك دفا دمعاتها.
لحظها يرسـم للهوى عناوين
سبحان الله اللي خلق غمزاتها.
شفتها كأنّي بعرفا من سنين
وعمري مفطوم على بسماتها.
بتشفي روحي من علتي بطيب
لو داعبتْ خدودي لمساتها.
يسكر قلبي عن الدنيا بغيب
إن رشفت مرّة من خمر شفّاتها.
يا رب من سكرتي مابدّي فيق
إذا ما شابكت ايدي ديّاتها.
.. محمد عزو حرفوش..
ليست هناك تعليقات:
إرسال تعليق