أنا وانت
بقلمي هلال البنا
,,,,,.....،،،،،.....،،،،،.....,,,,
هات إيدك مع إيدى وسلم
وانا وانت عوزين نتكلم
هانفكر مع بعض ونرسم
وازاي بالحب هانتقدم...
هات إيدك نبدأ بسلام
وسيبك من وهم الأوهام
علشان نتقدم قدام
وانحقق كل الأحلام...
هات إيدك مع إيدى ياغالى
ونرفع راية الحب ف العالى
نتعاون فى الخير طوالى
وننجح فى مجالك ومجالى ...
هات إيدك يابن الصالحين
ونعمل للحب فى يقين
ف الآخره هنكون فريقين
وده فرحان والتانى حزين...
هات إيدك خليك ويايه
و الحب في أكتر من آيه
مذكور. والتفسير ويايه
ويا الحب رح تعلى الرايه...
هات إيدك على إيدي وسلم
وانا وانت علشان نتعلم
حانفكر مع بعض ونرسم
وبالحب هنفرح وانسلم...
هات إيدك مع إيدي وكمل
وانا وانت علشان نتكلم
أزاي بكره هيكون أجمل
وحقيقه مانكونش بنحلم...
هات إيدك على إيدي ونعلن
وبكره وبعده هيكون أحسن
نتعاون ولا يوم نتهاون
والناس تعرف أصل المعدن...
هات إيدك مع إيدى وسلم
ونتفاهم مع بعض ونفهم
بسم الله وعليه نتوكل
ونتعلم من خير معلم
،،،،،.....،،،،.....،،،،.....،،،،
أنا وانت
مع تحياتى هلال البنا
ليست هناك تعليقات:
إرسال تعليق