بقلمي
هلال البنا في
ردي ردي
؛؛؛؛؛؛؛؛؛؛؛؛؛؛؛؛؛
يابيوت ماتردي يا بيوت
وردي علينا بعلو الصوت
ليه الصمت طول الوقت
ويابيوت ردي بلاش سكوت
إحكي وقولي بإستمرار
واحكي ازاي كان بيتنا عمار
ساكنين فيه كبار وصغار
وكان مليان بالناس يابيوت
ردي. ردي
كان الليل فيكي سهران
والنهار كان فرحان
ليه ساكتين واسأل مين
واحكي وردي أنا حيران
كان الخير للناس والطير
وكات الفرحه فى كل مكان
يابيوت ماتردي يا بيوت
إحكي ازاي بيزوركي الموت
ردي. ردي
وكان في سور عش وطيور
إزاي صبح العش مهجور
وكان البيت جنب الغيط
لما تبص تشوف الخير
واقفه البقره تحت الشجره
ماشيه الميه جنب الخضره
و نجوم نورها جاي في النيل
وجه جميل وخيال وليل
ردي ردي
إحكي وقول كان في نخيل
وليه يتمايل يبكي. ذليل
شايف إيه قول يا نخيل
واللي بيحصل ماله مثيل
شفت الجامع مهدوم واقع
ومٱذن. من فوق. بتميل
راح جرار هدم. الدار
والعمارات تنزل. واتهيل
ردي ردي
قولي يا دور إيه مستور
وليه الدار . تصبح. عار
بعد سنين غربه في نار
وطوبه بطوبه نبني جدار
أول دور كان في الدار
واسع عالي تشطيب غالي
أربعه حجره والصاله وسعه
والعمدان وخمس ادوار
ردي ردي
دار والجامع نفس الشارع
ومأذنه عاليه والطول فارع
قولي يا بيوت والكل سامع
والمسنود ساكت راتع
مبسوط قاعد عنده. موانع
وابو حصانه مش. وياما
إحنا غلابه وخلق. جعانه
ومهما هانعمل ملناش شافع
ردي ردي
يابيوت ماتردي يا بيوت
وردي علينا بعلو الصوت
ليه الصمت وليه لسكوت
وردي بلاش سكوت يابيوت
قولي واحكيلنا عالعار
واحكي ازاي كان بيتنا عمار
ساكنين فيه كبار وصغار
وكان مليان بالناس يابيوت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ردي ردي
بقلمى هلال البنا
ليست هناك تعليقات:
إرسال تعليق