البرواز انكسر
شريط العمر مر
بس لو تحكي الصور
عني وعنك هالسر
عن إيام السهر
شو اشتقت أمشي
عا دروب
واليل غافي
ع روابيها
شو اشتقت
لضيعة المحبوب
بردا ودفاها
شمسها وفيها
طرقاتا محفرة
مطبات وجور
والبيوت معترة
من طين وحجر
تصحى الصبح
عا ريحة التنور
وجار يصبح ع جارو
بالهنا وسرور
وعند الغروب
تعبق ريحة البخور
تصلي القوافي
ويهنالا طول السير
لو يرجع الناطور
لفيات الشجر
ويتغندر المنتور
ويحلالو النظر
جوا بكهف مسحور
سكران القمر
حولو فراش النور
وغيمات المطر
كان يا ما كان
حكايات وقصص
غيرنا الزمان
وحكمتنا الفرص
ما اشتكى الإنسان
والنفس حس بنفس
والضمير تعبان
مقتول النعس
والعصفور بردان
جوات القفص
لو تحكي يا حيطان
عن أحلى الصور
للأسف يا زمان
البرواز انكسر
حسن الحداد
ليست هناك تعليقات:
إرسال تعليق