محكية غزلية.... للمبدعة إنصاف قرقناوي

محكية غزلية..

و قال بقلي..

ضلي حبيني لبكرا..

معقولي قديشو مهضوم..

عم بوصيني حبو..

و بيعرف قلبي فيه مغروم..

خايف وقت اللي بيغفا..

تسرقني منو كم ساعة نوم..

يا روحي مش بس بحبك..

أنا كلي بكلك مفتون..

لما بفتح عيني..

بركض تا قلك صباح النور..

ما بتخيل نهاري..

ما يبلش مع أحلى عيون..

و لما بشوفك قدامي..

بتغمرني متل المجنون..

و بقلك اشتقتلك..

يا حبيبي من مبارح لليوم..

ما حدا قدي بحبك..

بوسع السما و كبر الغيوم..

إنصاف قرقناوي