الحزانه
بقلمي هلال البنا
؟؟؟؛؛؛؟؟؟
دو.ور ودعبس عالحزانه
عايشين ومش عوزين إعانه
أصل الأمانه وللأمانه
مخزون معاشهم ف الخزانه
وخللي الأمانه ف المعانه
وروح ودو.ور هتلاقيها
ماشيه بتبكي على الحزانه
خليك معانا
دو.ور ودعبس عالغلابه
ضايعين في سكة الديابه
تحت السحاب وسط الضبابه
لابسين فيها توب الكآبه
والتوب حزين لبسينه مين
مسكين وقاعد في الخرابه
عاوزين معين ياعب معين
وهاتلي الأمانه م الخزانه
خليك معانا ح
دو.ور ودعبس عاليتامه
وخلي بالك م الكرامه
. ضحكه حتى وابتسامه
ليه مكانهم جاي ندامه
إزاي كرامتهم تجيلهم
واللآ يعني عشان يتامه
روح ودو.ور هتلاقيهم
جوا الخزانه وبالسلامه
خليك معانا
دو.ور ودعبس من ورايا
وبص كويس في المرايه
هتلاقي وشوش خطايا
والمعاصي ف الحكايه
حقوق وراحت في الجبايه
دو.ور عليها في الخبايا
ويا الأمانه في المعانه
مقفول عليهم في الخزانه
خليك معانا
دو.ور ودعبس في المشنه
وخليك معايه سنه سنه
أصل المشنه قوت عيالنا
واللقمه مين راح يدهالنا
ردى بقى يا تمر حنه
ردك يزيح الغمه عنا
أصل المشنه كل حالنا
وزي الأمانه في الخزانه
خليك معانا
دو.ور ودعبس إيه شاغلني
إبني وبنتي وبعد مني
فرحة شبابي وكبر سني
يحصله زي اللي حصلي
يدعي عليا وعاللي زيي
سيبك بقى وفك عني
دو.ور ودعبس عالأمانه
يمكن تكون بره الخزانه
خليك معانا
دو.ور ودعبس عالخلاصه
سيبك من فكرة الخباثه
وكل الكلام وبالدراسه
الظلم أسباب التعاسه
شوفوا الغلابه والحزانه
وشوفوا الأرامل واليتامى
ودو.ور ودعبس هتلاقيهم
ويا الأمانه في الخزانه
؟؟؟؛؛؛؟؟؟؛؛؛؟؟؟؛؛؛؟؟؟
الحزانه
بقلمي هلال البنا
ليست هناك تعليقات:
إرسال تعليق