بيقولوا العين مغرفة الكلام ......
ويقولوا اللي استحوا ماتوا..
وبقولوا العتب ع النظر ياسلام
وبقولوا بكل عين وقحة التفاتو ..
وبقولوا غمزة عين مرسال الحبيب
أسرع من البرق بيفهم ع غمزاتو ..
وبقولوا عين فجعان بتصيب
بتحسد غني عا كل رزقاتو ..
وبقولو عين تحرس الأوطان
وع العدا نارها تصد غدراتو ..
وبقولوا عين تخشى من الديان
تصلي لأ لله وتوحدو بذاتو ..
وبقولوا مو كل العيون عيون
الله عطا كل واحد ع نياتو ..
نصر علي ميكائيل
...
ليست هناك تعليقات:
إرسال تعليق