🌿رمز السلام 🌿
على دلعونا وعلى دلعونا
يا حَب اللولو حَب الزيتونا
زيتون بلادي اللولو حباتوا
البلسم الشافي معبى بجراتوا
أطيب م الشهد طعمة زيتاتوا
مبارك زيتونك من رب الكونا
غصانا للعالم أيقونة وزينة
وزيتا وزيتونا لبيتي مونة
بكروما والله بترتاح ظنوني
يالونا الأخضر كحل العيونا
اسما بالذكر ترتيلة بسورة
ياللي موجودة بكل المعمورة
عالدنيا كلا فاحت بعطورا
ونور الغزالة شعشع م غصونا
..... عماد .....
ليست هناك تعليقات:
إرسال تعليق