محكيّة زجليّة..
من قلب محروق يا ناس عم احكي
غيرو لَ الله لمين بدنا نشكي
نار الغدر شعلت بكل مكان
حتّى السما سمعت الشجر عم يبكي.
أشجار التين والزيتون والرمان
الحور والكينا وقرامي السنديان
الصفصاف والديس والعوسج الغفيان
بفعل شيطان ودّع جبال ع كتفا متكي.
اِلك الله يا وطن شو مظلوم
سنين صامد والجسد مكلوم
حتّى الوفا من ولادك محروم
عم تدعي بلكي يهتدوا بلكي.
.. محمد عزو حرفوش..
ليست هناك تعليقات:
إرسال تعليق