قلي... للمبدعة إنصاف قرقناوي

محكية غزلية..

قلي..

حلوي و بالهضامة قلبي أسرتي..

عيونك سحرتني..

و عقلي مني سرقتي..

كيف الله خالقك؟؟

من شهد العسل مكوني؟؟

و بجمال طبيعي مزيني..

رح تبقي عندي مدللي..

 مهما يا طفلتي كبرتي..

قلتلو..

الروح فيك مولعا..

و دقات قلبي ملوعا..

نيالي بحبك يا عمري..

ليش في وحده غيري بهالدني؟؟

بيلبقلا هيك تدلعا..

قلي..

تسلملي أحلا دلوعا..

ع صوتك شو بحب إغفا و أوعا..

حكياتك ما في أهضم منها..

و طلباتك عندي مسموعا..

ياست الحسن إنتي إإمري..

و ع رمشي إمشي و اتدللي..

عينيي غيرك ما بتشوف..

معقولي إنتي بتتخيلي؟؟

رح إبقا حبك بجنون..

يال وحدك بقلبي بتغلي غلي..

إنصاف قرقناوي