هلال البنا في
،،،,,,،،،,,,،،،,,,،،،,,,،،،
توكيل عام
ينفع في يوم الزحام
ومن غير قواضي ولا اتهام
في الحلال مش في الحرام
والحكايه مش كلام
مش شطاره
ولا محتاجه غير إشاره
اليقظه مش في المنام
واحنا في زمن الحضاره
بالأماره
والصاحيين مش النيام
ناصحين مش زي اللآم
و الصالحين دنيا ودين
ليه تايهين. جوا الرخام
وعندي المراره
م اللي قاعد واللي قام
واللي نام ينسى الملام
جاب روشته للمدام
دواه مسكن للألام
وينفع مع الإحترام
للصداع و للعظام
وللتوبه من الحرام
الشهور أيام تدور
و يعني عام ها تكون تمام
جبس و مافيش التآم
والنظام شرب وطعام
برنامج للأكل هام
ولا صيام ولا التزام
لازم سمعان الكلام
خطوه وحده للأمام
والحركه تبقى إتهام
فيه خطوره عالعظام
وعالمدام
وحده وحده خد دواك
لاجل بيه يتم شفاك
والشفا مش بالهوى
بالتوسل في دعاك
للضريح أو الكرام
والدعاء لله حلال
بس لغير الله حرام
وادعي واترجى لربك
لاجل يوم ينفك جبسك
وييجي يوم واتدوس برجلك
وبإيديك تعمل سلام
مع تحيه واحترام
توكيل عام
في اليقظه مش في المنام
للصاحيين مش للنيام
والواضحين مش اللآم
روح ونام وانسى الملام
والروشته للمدام
فيه مسكن للألام
وألم العظام
الصداع بقاله كام
شهور أعوام ها تكون تمام
وللعلم عاجل والمهم
تعمل ياعم واتكون همام
توكيل عام
من غير قضيه ولا اتهام
والمرافعه فيها ساهله
محتاجين حبة كلام
وكل ثغره وليها دخله
في القاعه والكل قام
والأسامي وحده وحده
المنادي فيه زكام
والحياه والدنيا وحله
الحكايه مش كلام
ومش حبيب بيقول غرام
محتاجين فعلا لوقفه
وقوم ياعم خليك همام
إعمل المطلوب بسرعه
والورق محتاج رسوم
قدم في العمره أم قرعه
والإحرام من غير هدوم
خد معاك دواك وجرعه
وبالشفا قول بس يدوم
متحدد مش عالدوام
وللقواضي وكل قاضي
بس كده مش يبقى عام
وفي المحاكم بس لازم
الحلال مش فيه حرام
والتوسل لام هاشم
الضريح وشيوخ كرام
والوكيل بالنيه عالم
هو عليه التكال
وهو عالم بس بيا
إتهام من غير قضيه
وفيها ألف تهمه ليا
جاي محامي عنده طاقه
وقالي فين صورة البطاقه
صورتك انت. والرفاقه
والحكايه مش كلام
كان زمان فيه احترام
وكل شيخ وله مقام
مبني طوب محروق حرام
وتبقى راضي في القواضي
لو مشغول أو حتى فاضي
وتديله تعظيم سلام
توكيل عام
و الضريح لو شيخ صريح
يبقى كان هو الإمام
وكان يحب يسمع مديح
قام ووزع في الطبيخ
وللكبار أعيان كرام
عاللي يمدح والقبيح
وكله يا كل ب انتقام
الجعان شبعان صريخ
ومش يقرب م المقام
قالوا ده كداب صريح
واللي فيه يبقى إكتئاب
له دوا هيكون مريح
وفيه مسكن للألام
فات معاده والتاريخ
وانتهى فات منه عام
لما ياخده يستريح
ويمشي سكة الحرام
في القباحه والمديح
وفي الكلام ويا. المدام
بالإشاره والشطاره
والإداره بالأماره
كان فيها شغل ودوام
وروح وطلع استماره
تدفع الرسوم قوام
والتأكيد على الإشاره
ختم وتوقيع وأرقام
والتصريح لاجل الزياره
محتاجين
توكيل عام
،،،,,,،،،,,,،،،,,,،،،,,,،،،
بقلمي هلال البنا
ليست هناك تعليقات:
إرسال تعليق