بقلمي هلال البنا في
يا قلبي
،،،،،،،،،،،،،،،،،،،،،،،،
عشت يا قلبي كتيرمخدوع
ولا فاهم إيه الموضوع
وانا لومت هموت م الكبت
و دي موته وملهاش رجوع
ليه بعتني وانا عمري مابيع
واشتري علشانك لو اضيع
حبيتك وانا قلبي رضيع
واتخيل فيك قلب وديع
كان فاكرك في خريفنا ربيع
والشتا من غير أيي صقيع
والصيف كيف و لبس خفيف
والحب أهم المواضيع
قلبي كان عايش مخدوع
زي معوق أو مكفوف
وممكن قلبي يموت م الجوع
محتاج حد يكون بيشوف
عشت الشتا عريان بردان
شفتش غطا وبنام سقعان
كلتش عشا مافطرت جعان
والناس كده هما العميان
. واحد بيته جعان أسابيع
وبيت فيه الخدام يطيع
واللي يموت ميت م الجوع
وإن عشت انا راح اعيش مخدوع
وقلبي يقول إيه الموضوع
واحد يعلى وهو وضيع
وواحدعنده كرامه بتضيع
يا ترى إيه هي المواضيع
عيش من غير الحب هتضيع
وهتكون عايش كده مخدوع
موت بسبب الحب مرفوع
وحب حقيقي ومش مصنوع
والغني لو أمواله كيمان
أنا مش بحسد في الشبعان
؟بس لو نظره للغلبان
واللي مريض نايم عيان
المطحون وابو كوم عيال
ز واللي معاشه مش بيبات
مش لاقي لبن الأطفال
وعايش على عيش البطاقات
عايش ياكل ف العيش حاف
وفي الشتا مش بيلاقي لحاف
وبطانيه قديمه مرميه
في البرد وفي السقعه يخاف
تلقاه ماشي في الشتا حافي
وعز الصيف منحول وضعيف
في البيت ولا تكييف ولا دافي
والحمام محتاج شطاف
ميين في الشتا بالبوت والصوف
ولبس الصيف موضه وخفيف
لا بيموت م الجوع والخوف
ولا بيهمه خسوف وكسوف
من حواليه الناس بتطوف
وميين على قرش عايش ملهوف
نفسه بعينه اللحمه يشوف
وعنده النوم في الطل مألوف
في عز الشتا نايم مكشوف
والغني شايفه مش مكسوف
عنده الغطا والدفا ب إلوف
وفاكر إنه مش معروف
بس الناس عارفين فاهمين
إنه. بخيل وجبان حلوف
بيداري خيبته بس على مين
وانا قلبي عالناس مخطوف
أنا لو عشت هعيش مخدوع
ولا فاهم إيه الموضوع
أنا لو مت هاموت م الكبت
ودي موته وملهاش رجوع
ليه. بعتني وانا عمري مابيع
واشتري علشانك لو اضيع
حبيتك وانا قلبي وديع
وعشت يا قلبي كتير مخدوع
،،،،،،،،،،،،،،،،،،،،،،،،،،،،،،،،
يا قلبي
بقلمي هلال البنا.
ليست هناك تعليقات:
إرسال تعليق