اسمعينى ...... #
قلبى حاسس باللى فيكى
نظره عنيكى
بتقوللى ___ جايه تودعينى
خلاص نسيتى
كل كلمه كل نظره وابتسامه
بسهوله جايه بتقوليلى
مع السلامه !!
كده سهل عندك
تنسى عشره سنين ما بينا
فاكرها لسه زى النهارده
وايام لقانا حتى الآهات
حتى اشتياقى
ولهفتى يوم ما اتقابلنا
كده سهل عندك
أبقى ماضى من النهارده وذكريات
ازاى نسيتى حبنا
و كل اللى فات
راح فين كلامي
وفين غرامى
والحنان
إيه غيرك __ ليه قسوتك ؟؟
ماكفايه قسوه الزمان
بكره هاييجى وتعرفى
مين اللى باع عهد الهوى
وضيع وخان
ساعتها بس هتندمي
تتمنى تانى
وتحنى تانى لأيام زمان
ساعتها بس
هتحلمى وتتألمى
تتمنى تانى
يرجع الحب اللي كان
تتمنى تاني ترجعيلى وتسمعينى
ويكون خلاص فات الأوان
اسمعيني ........ #
عادل علي
ليست هناك تعليقات:
إرسال تعليق