ما بيقربك غير الشقا والهم
و مبيعرفك للأسف مالك مال .
ولا بحالك حدا مهتم
ولا شايفك أبد صاحب حال .
لا حدا لا إبن لا عم
يخفف يا حزيني تعب لحمال.
تتعب وتشقى وعشبها تلم
تطعمي بقرها العشب الحلال .
وتيابها مشقشقة تلف الجسم
ورجلها حافية تهد الجبال .
ناس بتنام عا ريش النعم
وناس الفقر ع بساطها بال .
وناس بتاكل من لحم الغنم
وناس بتشتهي المرق ما تنال .
يا حيف ما عاد فينا دم
إبن آدم ما يسر البال .
يا بشر هادي بشر ....أم
مال الزمن فيها مال .
مين العراسو ريشة ما بينغم
للأسف ما عاد في نخوة رجال .
للأسف ما عاد في نخوة رجال .
.. نصر ...
ليست هناك تعليقات:
إرسال تعليق