.. محكيّة غنائيّة..
.. الوهم العربي..
خازوق ورا خازوق
عم يمرق عمرنا
بلكي شي يوم يزوق
تاجر في بلادنا.
كرهنا اسم التجّار
ولعبهم بالأسعار
ربّي احرقهم بالنار
بيرتاح قلوبنا.
تقزّم عنّا التفكير
بكرا شو بدو يصير
يصدق مرّة وزير
صار هيدا حلمنا.
خلصنا من الاستعمار
وبلشنا بالاستثمار
صار مالك الدولار
يتحكّم بأمرنا.
إذا شي حرامي مات
بتهتز الحكومات
بتتخربط الحياة
والباقي بعمرنا.
هيدا زمن اللصوص
والباقي متل الصوص
كلّو جناحو مقصوص
رزقه/و على ربّنا.
هيدا زمن الأنذال
الظالم والمحتال
الشريف بلا رسمال
ما بيعرف الهنا.
حلمنا متل الناس
ينتهي وجع الراس
نبني عَ هالأساس
نصحا من وهمنا.
ماني أبداً يأسان
يتغيّر هالزمان
يوقف ظلم الإنسان
تشتغل عقولنا.
.. محمد عزو حرفوش..
ليست هناك تعليقات:
إرسال تعليق