وبعيدك حُب و بعدو حُب
و بعيدك حبي الحُب بينبعْ
و بقولي بوسة ما بيمنعْ
و أنا بهمسك واقف بطلعْ
و من تمك بكتب شي مطلعْ!
و من دمك برسم رياتي...
و أعلى من العالي عم تلمعْ
و من قدسك بجمع حسراتي...
و من سنين و أحزاني بتجمعْ
بعيدك أرضي الحب الأحلى
بعيدك قلبي العشق الأروعْ
و أنا بشَعرك بلفّ الإصبعْ
بحكي يا غزالي .. تع تدلّغْ!
أنا بعطرك بكتب قصايد
بنشرها .. و الغيرة بتتوجعْ
و بغيومك بربط معاني...
بتنزل ع صدري و تتوزعْ
و بأوطان العزة نبضاتي...
شي بيبكي و شي عم بتسمعْ
و أيامي..ع بوز المدفعْ
مين قال الكنعاني بيخضعْ
عربي بدماتي يا مهري
و عهدي إنو لازم نرجعْ
لكل شبر مع نجماتي
و نجوم الحرية بتسطعْ
بعيدك قمري العشق بيصنعْ
من كلمة من همسة مصنعْ
إنتي بحسنك حرفي تولعْ
مع إني للخالق بخشعْ
إنتي بغصنك نكهة حيرة
ما تخافي من الدنيا أجمعْ
نفسي البوسة بضلعي تطبعْ
و تتعمشق بأشجار الأضلعْ
بعيدك حبي ما شي بيمنعْ
الاَ بحضنك أحصد و أزرعْ
سليمان نزال
ليست هناك تعليقات:
إرسال تعليق