اسعد الله صباحكم بالخير والسلامه والهناء والراحه انشالله الفرج قريب بإذنه وتعود أيام المحبه والسلام والتآخي
............حديث الروح................
عطر المحبه من حلى الفاه بيفوح
والعين ترقب مجيتك لو تجيني
ياللي هواك معذب القلب والروح
واني على فرقاك ماتنام عيني
الفكر يسرح والعقل فيه بيسوح
والحلم زوود على فراقك حنيني
إنت الدوا من الهم لوكثرت جروح
وانت اللي عايش بفؤادي وسنيني
أهدي لكم كل المحبه مع البوح
واكتب سطوري من لواعج أنيني
أقضي الليالي مساهر النجم ماروح
لو تختفي النجمات تسهر عيوني
شبه الصويب معصب الجرح ملغوح
لا مسعف/ن..ألقاه يمسح جغوني
أرقب بعالي التل لو زولك يلوح
واصرخ بعالي الصوت ياللي ناسيني
كني على شط المجانين مشلوح
والنار نشعل والمحبه دفيني
سبت الفرح والحزن دوم مسموح
أنطر حبيب الروح واستد ديني
.............................
فهد كرباج أم الزيتون السويداء
سوريا..في..2..2..2021
ولكم كل الود والإحترام
ليست هناك تعليقات:
إرسال تعليق