هلال البنا مع
الغاليه
********
عيد الأم يوم عيدك
يا غاليه ومدي بس إيدك
غرامك روح بتحييني
وعايش لجل اموت فيكي
يا غاليه و نور على جبينك
ومهما ابعد راجع ليكي
،،،،،،،،
وعيد الأم ل بناتك
يا غاليه وعاليه وكبيره
و أمهات لكن غيرك
في عيشه صعبه و في حيره
وهي الغاليه مين غيرك
يا أم الكل في السيره
،،،،،،،،
طوابير واليوم قصير
وتايهين بين الجدران
أم بنات والأب أصيل
وعيشة الذل وليه تنهان
بعد ماكانت بنت أمير
عيدالأم عشان تنصان
مش عشان الأب كبير
،،،،،،،،
وكل يوم تسمع ملامه
ناس غبيه و شيئ حقير
مش هاقولك عيد كرامه
عاشقه جار ليه مكير
إللي عاشق هدم داره
ونفسه تبقي أب صغير
،،،،،،،
عيد الأم مش عشانك
ده للأمهات بناتك
إللي راح منهم ولادهم
في متاهة بواباتك
ياما عيد الأم فات
وإنتي أم الأمهات
دانتي لينا أم كبيره
دانتي أم الأبهات
،،،،،،،
وكلنا عاشقين ترابك
دفيانين في حضن بابك
والنفس جاي من هواكي
أصل روحك هي روحي
ياللي حبلك فوق كتافي
ولما اجيلك بجري حافي
وعشقي نيلك ويا ليلك
وانتي فرشي مع لحافي
،،،،،،،،
حبي هو ورد أرضك
وامشي ادوس عالشوك واحبك
عشقي هو نور هلالك
وقلبي عاشق نور جمالك
نور نجوم الليل دلالك
والقمر نو ور عشانك
لو سهرت اسهر معاكي
وليه يا عيني تفضحيني
وابقى ميت في غرامك
وانتظر لو. تنصحيني
،،،،،،،
ولما اشوف الموج في بحرك
وابقى واقف عند شطك
موج وعالي يقول تعالي
والجواهر هي مهرك
لو تشاورتي و ليلي حالك
ولو في ضلمه اطير عشانك
عكازك خدام إيديكي
نفسي أغزل خيط لفجرك
،،،،،
يبقى ضيك من ادموعي
واخبيكي بين ضلوعي
واخاف اشبع يوم تجوعي
بوست إيدك بوست راسك
لما كبرت فى ترابك
وبت دفيان فى أحضانك
هواكي هو أنفاسي
وروحي أصلها روحك
،،،،،
بنكتبلك في عيد الأم
و إنتي لينا أكبر أم
يا ام كل الأمهات
واللي باقي واللى فات
بكره عيدك انتي جاي
دانتي أم الأبهات
وعيد الأم يوم عيدك
بندعي ربنا يزيدك
يا غاليه و مدي بس إيدك
غرامك روح بتحييني
وعايش لجل اموت فيكي
يا غاليه و نور على جبينك
ومهما ابعد راجع ليكي
يا حلوه وربنا يزيدك
وعيد الأم زي عيدك
********،
الغاليه
هلال البنا
ليست هناك تعليقات:
إرسال تعليق