المكارم
بقلمي هلال البنا
................
الزمان بيدور ولازم
نرتفع زي المٱذن
ونعلى عالي بالمكارم
بالبشر وفي المساكن
يازماني الصعب عدي
وهاتلي بكره يللا هات
فوت بسرعه ومش تهدي
وهات زمان أعلى الرايات
خللي راسك فوق يا ٱدم
أعلى من نخل الجناين
عالجبال داست رجال
والتاريخ فاكر الأماكن
يا سنين المر فوتي
هاتي بكره من سكات
والمرض مش يعني موتي
ياما عايش بس مات
والعلا مش بالسلالم
إحنا كنا فوق ولكن
بالعلا نحمي. المحارم
والحدود زي المساكن
عللي صوتك بالأذان
صوت نشيد الحق حان
والأذان صوت الإيمان
لجل نشعر بالأمان
والمٱذن عاليه فوق
شايفه كل يوم شروق
والشروق بعد. الغروب
قال يادوب الناس تفوق
والزمان هيدور ولكن
راسنا تعلى في المكارم
تبقى فوق عند المٱذن
والأمل في القلب ساكن
للعلا ومافيش تنازل
حتى لو راكن وساكن
بكره يعلى في المنازل
لازم الزمان يدور
دي الحقيقه ومش غرور
والأمجاد مش ليها ميعاد
بالعلا فوق ألف سور
إعلى فوق زي. المٱذن
والزمان بيدور ولازم
نرتفع على المحازن
ونعلى فوق أعلى السلالم
عندنا كام ألف عالم
في علوم كل المعالم
إللي عامل في المعامل
واللي يعمل بحث كامل
واللي علمه كبير وشامل
واللي مهمول واللي هامل
يللا نعلى في الفعال
ونرتفع فوق الخيال
مش كلام تأليف هلال
فوق يا عم وفوق يا خال
لجل نرجع للمعالي
ونبقى ساده وفي العلالي
حق جد وقول لابد
والكلام ده مش تسالي
وراسنا فوق عند المٱذن
في العلا كنا ولكن
بالمكارم للمحارم
للبشر وفي المساكن
والزمان وفي الأماكن
والأذان على المٱذن
والأيام بتلف ولازم
بالمكارم يابن ٱدم
نعلى فوق نخل الجناين
،،،،،.......،،،،،،........،،،،،،
المكارم
بقلمي هلال البنا
ليست هناك تعليقات:
إرسال تعليق