الحب مش تخاريف
***
انا عارف ان الحب دا يعني
حضن أمان ومش تخويف
مش كلمة قاسية وبتجرح
وكأنها حد السيف
الحب آمال زي ربيع أخضر
ليه يبقى خريف ؟
الحب حقيقة مبني عليها الكون
عمر الحب ما كان تخاريف
يعني تعيش كده وسط الناس
والقلب أبيض ونضيف
نفرح لما نشوف واحد فرحان
ونقسم مع بعض رغيف
ونشارك بعض في أحزاننا ودي كانت
عيشة أجدادنا من غير تحريف
الحب نكون دفء لبعض في شتانا
ولبعض نكون نسمة صيف
ونشيل مع بعض الحمل تقيل لكن لما
هنتشارك راح يبقى خفيف
الحب مش كلمات خارجة وعيب
بتحب يعني شريف وعفيف
وتكون ناوي تخلي الحب ختامة فرحة
يعني زي ما بنقول كده غرضه شريف
دا الحب اللي كلنا قاصدينه
حب مش تخاريف
***
حمدينو الشهاوي
ليست هناك تعليقات:
إرسال تعليق