معَنّى (يرجى القراءة بتمعن )
-----------------------------------
مدين قصيده خالده ب حروفها
ونغمه جميله عا لحن معزوفها
شعري صبيه ناجحه ب صفوفها
وبقيت كريمه معزّزه/ي ع رفوفها
عشّاقها صارو ألوف ألوفها
وحسّادها خِجلو بنجاح ظروفها
في ناس مابنكر فضل معروفها
ب حُب وحنان قصايدي ب تحوفها
وفي ناس ضَلّت عا حدا ب وقوفها
متل الشمس عم تنطفي بكسوفها
قالو يامدين ها الكتابة عوفها
وأمن بشغلك عيلتك مصروفها
كلمة الحق وباطل ب مقذوفها
واللي مَ طال الداليه/ي وقْطوفها
ولمّا بتمرق بنت قدّام الضرير
بيقول بشعه ب حيث مابيشوفها
---------------------------------------
شعر: مدين رحال
ليست هناك تعليقات:
إرسال تعليق