أطفال الشوارع ظاهرة منتشرة وقضية انسانية تحتاج الي نظرة وتوعية وبحث جاد لوضع حلول لها لننقذهم وننقذ أنفسنا من هذا الخطر ولابد ان تتوفر لهم كل سبل المعيشة والتعامل الآدمي واستغلال طاقتهم في الايجاب لا في السلب
#نظرة #لاطفال #الشوارع
يا طفل غالي
مالك حزين
دا انت مقامك عالي
بس الدنيا فيك بتهين
ما انت برده انسان
يعني مش جاي من عالم تاني
بتدور في القمامه
على فضلي تسد جوعك
وكمان بتنام علي الرصيف
رد عليا وقال
خلاف مع ابويا وامي
خلاني تايه في الشوارع
مش عارف رايح فين
وفكل حتة ضايع
وبقيت مكسور وحزين
ولسه ما خلصش كلامه
لقبت طفل تاني
بيقول انا ابويا مات
وسابنا ستة اخوات
وانا الولد اللي فيهم
وباقي اخواتي بنات
وامي عجوز مريضه
وعايشين في بلاد بعيدة
لا عارفين نجيب الدوا
ولا نقدر نجيب الذاد
ويا دوب هرد عليه
بصيت لقيت طفلين
على الرصيف نايمين
وانتوا ايه حكايتكم
رد واحد منهم
قالي ابويا
على طول كارهني
بيدلع اختي واخويا
ودايما مضطهدني
اقوله وانا يابويا
قالي اسكت وراح ضاربني
قلت اسيب البيت
واعيش حر نفسي
بدال ما يعذبني
والتاني جنبه راح معيط
بقوله مالك يابني
قالي مش عارف مين ابويا
ولا اعرف مين امي
من زمان فتحت عنيا
الشارع اللي لاممني
قولتله امسح دموعك
الدنيا لسه خير
كلمت نفسي وقلت لازم
كلنا نساعد الغير
الأطفال دي لو ملحقنهاش
أمرها هيكون خطير
عليك وعليا دا مش هزار
لازم نركز في الكلام
موضوع كبير
عايز اهتمام
كلامي ليكم يا مسؤلين
لتوعيتهم واحتوائهم
قبل ما يفوت الميعاد
لو نسينا وسبناهم
هيكون في ضرر على البلاد
طفل شارع
طفل ضايع
في ايه هيبكي عليه.
اي امر خراب عمار
كله عادي بالنسبه ليه
بعلم وعمل اكيد هنفيد
هنحيي جواه الأمل
دا كلام اكيد
كلامي ليكم يا مسؤلين
قبل ما يبقوا طوفان عظيم
بقلم
أخيكم الأديب /مصطفى على طنطاوي
جمهورية مصر العربية
ليست هناك تعليقات:
إرسال تعليق