محكية غزلية... للمبدعة إنصاف قرقناوي

محكية غزلية..

حاج عليي تلف و تدور..

قلبي بغرامك مغرور..

و لو بدك تبرم سبع بحور..

متلي ما راح بتلاقي.. 

بعرف قديشك مسحور..

بحسني و بدلالي مبهور..

بتغار عليي من العصفور..

و من رفقاتي و رفاقي..

بي قلبك بانيلي قصور..

ولما تغازلني شحرور..

دخيلو شكلك شو قمور..

يال ما بتقدر ع فراقي.. 

بحبك يا أحلى دكتاتور..

برضايي والله و مش بالزور..

ضيك شعشع ع حياتي نور..

و حدك راح كفي عمري الباقي.. 

إنصاف قرقناوي