هلال البنا في
في الكوتشينه
؟ ؟؟؟؟؟؟؟؟؟؟؟؟؟؟؟؟؟؟؟
ياما كان و كان يامدينه
أيام صعبه ومره علينا
كانوا الكفره قتلوا السحره
.............ولعبوا علينا وسحروا عنينا
بحبال طالعه م الكوتشينه
هاتوا عصاية سيدنا نبينا
علشان نضرب بيها كورونا
راحت فين الناس يامدينه
وليه عصيانهم قدروا علينا
أمي وجدى وبابا ونينا
جارى وجارتى وخالتي سكينه
وأهل الشارع والهليله
وباقى قرايبى وكل العيله
دخلوا المخبأ من حوالينا
والتعابين وحياي تإذينا
ولا فى الصحرا
ولا فى جنينا
والكل خايف
إيه فى إيدينا
دا وباء طايف حل علينا
.............وبلاء نازل من. بلاوينا
فين أيام سوقك يامدينه
وانشق البحر وعدينا
وعلى جبال دوسنا برجلينا
ورفعنا الرايه وغنينا
ليه السحره والكتشينه
ضحكوا علينا وغموا عنينا
.......... ركبوا المركب خرقوا سفينه
و غلام ميت وسط الزيطه
....... قريه و فيها ناس لؤمه بخيله
وللغلامين راح نبني الحيطه
ومين هايجيبنا ويودينا
هاتوا عصاية سيدنا نبينا
علشان نضرب خالتي كورونا
شوفت سفينه نامت بشويش
............. والقبطان في الحيص والبيص
وقفت حالنا وحال عمالنا
............ وكل الدنيا بتحكي سويس
والقطرين منين على فين
............. دخلوا في بعض المذنب مين
السواق والا المحولجي
........... والا الركاب غلطانين
برج الجسر احداشر دور
............. بين الضلمه وبين النور
ليه انهار من غير إنذار
............. أرواح راحت تمن الذور
وياما كان وكان يامدينه
أيام صعبه ومره علينا
كلمه تجيبنا وتودينا
شغل السحره والكتشينه
والصين فين بيقولوا متينه
وسفينه واقفه قافله المينه
غرقت ليه مغروزه في طينه
...... مين هايجيبنا ويودينا
وانت يارب الراحم لينا
ترحمنا من ظلم كورونا
واتنجينا وخد بإيدينا
إحنا وكل الناس أهالينا
بعد ما شوفنا الموت بعنينا
كان و كان وكان يا مدينه
أيام مره وصعبه علينا
كانوا الكفره قتلوا السحره
بحبال طالعه م الكوتشينه
...........لعبوا علينا وسحروا عنينا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في الكوتشينه
هلال البنا
ليست هناك تعليقات:
إرسال تعليق