كلن غنوا لك من كلماتي
يا ست الحسن وتغنوا فيكي
من رقة شعري والوان حروفي
صاروا يتباروا بلون قوافيكي
غاصوا بافكاري و بابداعاتي
وعملوا من عيونك جوقة موسيقا
ومن سحر النظرة قلمي ودواتي
وطاروا بالسنا لفوق العلالي
حتى ما طالن ولا بخيالي
ولولا سألتي حالك عن حالي
مشغول عليك قلبي وبالي
وبشرع الهوى انا طالب إيدك
دخلك لا تزيدي الجرح بمأساتي
عاشق مغروم وكلي أماني
احظى بعيونك تبقى عنواني
ارسم بايدي كحلة عينيك
وزين بلحظن دورة زماني
متل الزنابق لو لا تميلي
بحبك لعمد قلبي وآهاتي
حتى نزار وابن الملوح
عملوا دواوين بقصد التمني
غاروا من شعري اللي فيك رندح
ومن خفة دمي بيني وبين حالي
نسيوا مراكبهم في بحر عيونك
وفلوا لتبقي كل شي بحياتي
ليست هناك تعليقات:
إرسال تعليق