/ رسالة / محكي
عا غيبتك صار الوقت غابة/ي
حروف العشق عم تهجر كتابي
وقاعد بِدروة هالقمر سهران
خيالك معي موقوف ع بوابي
بعصر حنيني من قلب عشقان
وبكب كاس الآه . . ع تيابي
وبصير إشرب خمرة الحرمان
وبغفا متل سكران ع الخابي
وكل ما صحي بالذاكره النسيان
ويصير ع دراج العشق جابي
شو بخاف مني يسرق العنوان
ويدور صوب الآخ دولابي
وابقى لحالي لا أنس لا جان
بيجوز جن وافقد صوابي
رح خبرك إني صرت تعبان
بآخر رسالة موقعة بالشوق
تسجّل حضوري بدفتر غيابي . د . عيسى فضة
ليست هناك تعليقات:
إرسال تعليق